Быһыыны ылыы коронавирус дьаҥа тарҕаныытын тохтотуо

Ааптар: 
Бөлөххө киир:

СӨ Бырабыыталыстыбатын бэрэссэдээтэлин солбуйааччы Ольга Балабкина бүгүҥҥү брифинигэр өрөспүүбүлүкэ иһинэн эпидемиологическай быһыыны-майгыны билиһиннэрдэ.

Бүтэһик сууккаҕа Саха сиригэр 92 киһи коронавирус дьаҥынан ыалдьыт, ол иһигэр Дьокускайга -57 киһи, Мэҥэ Хаҥалас, Бүлүү, Нерюнгри оройуоннарыгар — түөртүү, Алдан, Амма, Таатта, Уус-Алдан, Чурапчы, Эбээн-Бытантай улуустарыгар — үстүү, Нам, Сунтаар улууустарыгар иккилии, Хаҥаласка — 1 киһи ыалдьыбыта бэлиэтэммит.

Суукка иһигэр лабораторияларга 917 тест оҥоһуллубут. Пандемия саҕаланыаҕыттан барыта 1 168 842 тест оҥоһуллубут.

2021 сыл бэс ыйын 22 күнүнээҕи туругунан өрөспүүбүлүкэбитигэр барыта 211409 коронавирус дьаҥын утары вакцина кэлбит. Бастакы быһыыны 191737 киһи ылбыт.

Ольга Валерьевна коронавирус тарҕаныытын быһыыны ылыы эрэ тохтотуоҕун тоһоҕолоон эттэ. Билиҥҥи туругунан балыыһаҕа сытар ыарыһахтартан элбэх киһи ыарахан туруктааҕын эттэ. Реанимация отделениета, санавиация бэлэм буолуу эрэсиимигэр үлэлииллэрин иһитиннэрдэ.

Ил Дархан анал этиитигэр сигэнэн, быһыыны ылбыт, ылар дьоҥҥо кэккэ биһирэбил оҥоһуллар бырагырааммата бу нэдиэлэҕэ  бэлэм буолуоҕа диэтэ. Биһирэбил быһыыны 2021 с тохсунньу 1 күнүттэн ылбыт дьоҥҥо барыларыгар оҥоһуллуоҕа диэн түмүктээтэ.

Надежда Ильина

+1
0
+1
0
+1
0
+1
0
+1
0
+1
0
+1
0