Быһыыны ылбыттарга — бириис
Дьокуускай куорат 3 №-дээх балыыһатыгар быһыыны ылбыт дьоҥҥо сүүйүүлээх оонньуу ыытылынна.
Коронавируһу утары быһыыны ыам ыйын 18 — бэс ыйын 23 күннэригэр ылбыт дьоҥҥо маннык оонньууну Инстаграмҥа быһа биэриигэ ыыттылар. Бириистэргэ тиксибиттэр мэдиссиинэ толору чинчийиитин барыахтара.
«Биһиги балыыһабытыгар биэс тыһыынчаттан тахса киһи быһыыны ылбыта бэлиэтэнэр. Тус бэйэлэрин уонна чугас дьоннорун доруобуйаларын харыстыыр туһугар кыһаллар, сиэрдээх дьон баарыттан үөрэбин. Пациеннарбыт доруобуйаларын үчүгэй тэриллэргэ көрдөрөллөрүгэр анаан маннык оонньоттубут. Сэртипикээти туппут киһи чугас дьонугар биэриэн сөп. Быһыыны биэриини балаҕан ыйыгар диэри 70 %-ҥа тиэрдэр уонна кэлэктиибинэн иммунитеттанар инибит диэн эрэнэбин«, — диэн этэр кылаабынай быраас Светлана Давыдова.
Сэртипикээти туппуттар көрдөрүнэргэ бэйэлэригэр табыгастаах кэми талаллар. Онно суруталларыгар ыстаарсай медсиэстэрэҕэ 15.00 – 16.00 ч. диэри от ыйын 1—16 күннэригэр (өрөбүл күннэртэн ураты) пааспардаах, СНИЛС-таах Дьокуускай куорат 3 №-дээх балыыһатыгар, Лермонтов уул. 121, 513 хоһугар кэлэллэр.
Санатан эттэххэ, быһыыны биэрии салҕанар. Быһыыны Лермонтов уул. 121; Хатаска Каландаришвили уул. 4/2; Табаҕа с. Строительнай уул. 31, 08:00 – 20:00 ч. диэри кэлэн ылыаххытын сөп.
0
0