Ыам ыйын 20 күнүгэр, коронавируһу утары быһыыны бастакынан кэлэн ылбыттар, эстрада тыйаатырыгар кэнсиэргэ ыҥырылыннылар.
Дьокуускайга Ленин проспегын 47 №-гэр турар эстрада тыйаатырыгар, куорат 3 №-дээх балыыһатын быһыыны туруорар мобильнай пууна үлэлиир. Быһыыны биэрии босхо, сарсыарда 09.00 чаастан киэһээ 20.00 чааска диэри үлэлиир. Манна эрдэттэн суруйтарыыта суох, уочараттаан киирэҕит. Пааспары, полиһы уонна СНИЛС илдьэ кэлэҕит.
Тыйаатыр салалтата быһыыны бастакынан ылбыт 30 киһиэхэ «Эстрада 21» кэнсиэргэ уонна «Мааппа» испэктээккэ билиэттэри бэлэхтээтэ.
Кэнсиэр бүгүн, ыам ыйын 21 күнүгэр, 18 ч.30 мүн. буолар. Оттон «Мааппа» испэктээк ыам ыйын 22 уонна 23 күннэригэр буолар.
«Эстрада 21» кэнсиэргэ Павел Семенов, Сахая, Ника, Анастасия Готовцева, Василий Еремеев, уо.д.а. кытталлар.
«Мааппа» саҥа музыкальнай туруорууга Амгаянаны, Байбалы, Байтыкан Батаакабы, Варя Аманатованы, Эрчими, Алексей Гольдеровы, Николай Гоголевы уонна Анастасия Готовцеваны көрүөххүт.
Ыам ыйын 21-22 уонна 22-23 күннэригэр, эстрада тыйаатырыгар «Ночь вакцинации» аахсыйа ыытыллар.