Быһыыны ылар дьон испииһэгэ кэҥээтэ

Бөлөххө киир:

Доруобуйа харыстабылын министиэристибэтэ кирииби утары быһыыны ылар дьон испииһэгин кэҥэттэ.

Ол курдук, баахтанан үлэлээччилэр, өҥөнү оҥорор эйгэ, быраабы харыстыыр уорганнар, социальнай хааччыйыы, Элбэх өҥөнү оҥорор киин үлэһиттэрэ уонна судаарыстыбаннай сулууспалаахтар, пограничниктар эбиллэн биэрдилэр.

Ону тэҥэ, оҕолор 6 ыйдарыттан саҕалаан, 1-11 кылаастар үөрэнээччилэрэ, профессиональнай уонна үрдүк үөрэх кыһаларыгар үөрэнэр устудьуоннар, мэдиссиинэ, үөрэҕирии, тырааныспар, хомунаалынай эйгэ үлэһиттэрэ, хат дьахталлар, 60 саастарын туолбут дьон, байыаннай сулууспаҕа ыҥырыллыбыттар, хроническай ыарыылаахтар (тыҥа, сүрэх-быар, эндокриннай систиэмэ) босхо ылар кыахтаахтар.

Бу иннинэ бырабыыталыстыба инфекционнай ыарыылары иммунопрофилактикалааһыны сайыннарыы стратегиятын бэлэмнээбитэ. Ол чэрчитинэн, 2023 сылга профилактикалыыр быһыылар национальнай халандаардарыгар уонна эпидемическэй көрдөрүүнэн быһыылар халандаардарыгар киирбит вакциналар толору кээмэйинэн олохтоох тэрилтэлэргэ оҥоһуллаллара былааннанар. Онно куор, дифтерия, краснуха, вируснай В гепатит, кириип курдук инфекциялар киириэхтэрэ. Нэһилиэнньэ 95%-нын хабар былааннаахтар.

Ангелина Васильева, «Саха сирэ» хаһыат, edersaas.ru

Хаартыска: интэриниэттэн

+1
0
+1
0
+1
0
+1
0
+1
0
+1
0
+1
0