Коронавируснай инфекцияны утары быһыыны биэрии былаанын 90% толорбут үс бастакы улууска мэдиссиинэ тэрилинэн бириэмийэлиэхтэрэ. Ол туһунан бырабыыталыстыба бэрэссэдээтэлин солбуйааччы Ольга Балабкина иһитиннэрдэ.
Маннык былааны толорбут улуустар номнуо бааллар эбит. Муома улууһа – 96,6%, Эбээн Бытантай – 93%, Аллайыаха – 90,48% былааннарын толорбуттар. Онон бу үс улуус мэдиссиинэ тэрилтэлэригэр анал тэриллэри ылыахтара.
Билигин өрөспүүбүлүкэҕэ 271 тыһыынча устуука быһыы кэлбититтэн, 33 293 устуука вакцина бэриллэ илик. Дьокуускайга билиҥҥитэ 4924 устуука “ЭпиВакКорона” быһыы баар, сотору кэминэн “Спутник” кэлэрэ күүтүллэр.
Ольга Балабкина иһитиннэрбитинэн, коронавируһу утары быһыы бастакы укуолун ылыахтаах нэһилиэнньэ 33,8%-на (238,9 тыһыынча киһи) ылбыт.
Ангелина Васильева, “Саха сирэ” хаһыат, edersaas.ru
Хаартыска: sakhagov.ru