Быһылаан кэнниттэн: «Якутлесресурс» САТ салалтата уонна бааһынай быһаарыстылар
Бэҕэһээ, балаҕан ыйын 27 күнүгэр, экология, айылҕаны туһаныы уонна ойуур хаһаайыстыбатын миниистирэ Сахамин Афанасьев Бүлүү улууһун Лөкөчөөн нэһилиэгэр хонтуруолланар профилактическай өртөөһүн түмүгэр фермер Афанасий Харлампьев рулоннаммыт отторо уокка былдьаммытынан, суһаллык хамыыһыйа тэриллибитин, онно миэстэтигэр балаһыанньаны билсэ “Якутлесресурс” судаарыстыбаннай-автономнай тэрилтэ генеральнай дириэктэрэ Вадим Новиков барбытын иһитиннэрбитэ.
Ол сырыы кэнниттэн эмсэҕэлээбит өрүт – бааһынай хаһаайыстыба баһылыга Афанасий Кузьмич: “Хамыыһыйа көрөн-ааҕан, 18 рулон олоччу умайбыт диэн аах оҥордо. Вадим Аркадьевичтыын быһаарыстыбыт. Тахсыбыт хоромньуну төлүөх буоллулар. Онон, “Якутлесресурс” тэрилтэҕэ хомнуурум, үҥсэргиирим суох”, — диэтэ. Манан Бүлүү улууһунааҕы ойуур үлэһиттэрин дьалаҕайдарыттан тахсыбыт мөккүөр сылааһына саба тутулунна.
Василий НИКИФОРОВ.