«БЫҺЫЙ АТАХ» /Сардаана Трофимоваҕа ананар/

Бөлөххө киир:

Саха сирэ бүтүннүү эрэммит, күүппүт кыайыытын «сиэпкэ уктан» Кыайыы өрөгөйүн биллэ!
Тыалы кытта тэҥҥэ сырсар Сардаанабыт сахатын сиригэр, бар дьонугар хайдахтаах курдук кырасыабай кыайыыны бэлэхтээтэ!
Ыарыы эрэ кыһалҕатыгар хам баттаппыт санааларга, былыт быыһыттан күн тыкпыт сардаҥа кэриэтэ, хас дьиэ аайы саха дьоно самныбат санаалааҕын дакаастаабыт Сардаанаҕа махталбыт бастыҥа, үөрүүбүт үтүөтэ, хас биирбит сүгүрүйүүтэ, киэн туттуута!

БЫҺЫЙ АТАХ
/Сардаана Трофимоваҕа ананар/

Быһый атах, кус быһый
Саха кыыһа Сардаана
Аата, кыаҕа, дьулуура
Дьүөрэлэстэ Кыайыылыын!

Санаам тэҥҥэ көтүстэ
Сүүрэн иһэр күүһүттэн,
Сахам сирин былааҕа
Тэлимнээтэ халлааҥҥа.

Саха сирин ааттатта
Сардаанабыт дьэ күүскэ!
Норуот таалла кыл түгэн
Маннык кэрэ көстүүттэн!

Сөҕөр тылы булбакка
Сөҥнүм бэйэм бэйэбэр,
Маннык быһый кыысчааны
Куустум санаам утаҕар…

Полина-Победа
Уус Алдан
20.09.2020с.

+1
0
+1
0
+1
0
+1
0
+1
0
+1
0
+1
0