Быһа эфир кэмигэр Ил Дархан Айсен Николаевка араас ыйытыылар киирдилэр. Дьон син-биир хамсыкка, дьаҥҥа иэҕиллэн кэлэ турар. Кэмэ оннук буоллаҕа. Быһыы ылартан чаҕыйааччы даҕаны баар. Ону Айсен Сергеевич хайдах уоскутта?
— “Муус устар” бэстибээли төһө астынныгыт?
— Олох үчүгэйдик ааста. Бу бэстибээл айар ыччакка туһалаах. Сайдыыны мэктиэлиир. Соҕурууттан “сулустар” кэлбиттэрэ да элбэҕи этэр. Кинилэр ыччаппытын кытта дьарыктаннылар. Чуолаан, “Эльга-Угольга” махтанабын. Үбүлээбитин иһин. Дроннар шоулара, мууска шоу ааттаах үчүгэй. Бэртээхэй бырааһынньык буолла. Сырыттым. Салгыы үлэлэһэргэ былаанныыллар.
— Тотальнай дьыктааҥҥа кыттаҕын дуо?
— Кыах баар буоллаҕына, булгуччу кыттыаҕым.
— Кылаас салайааччыларыгар тоҕо төлөөбөттөрүй?
— Өрөспүүбүлүкэ үрдүнэн үп түҥэтиллибитэ. Местников инньэ диэн иһитиннэрбитэ. Төлөөбөтөх буоллахтарына миэхэ суруйуҥ.
— Быһыыны хайдах тулуйдуҥ. Мин куттанабын аҕай.
— Куттанымаҥ. Мин быһыы ылан баран үлэлээбитим. Бастаан ылбыппар син хайдах эрэ курдук этэ. Иккиспэр төрүт да кыһамматаҕым.
— Муус устар 1 күнүттэн 65 саастарыттан үөһэ дьоҥҥо хайдах төлүөхтэрэй?
— Федеральнай быһаарыы ылыллыаҕа. Уһаталлара буолуо, арааһа. Оччоҕуна төлөбүр оннунан хаалыаҕа.
— Гаастааһыҥҥа үгүс ыйытыы киирдэ. Бүгүн бу боппуруоска улахан сүбэ мунньах ыыттым. Дьокуускайга аһарар кыаҕы улаатыннарыыга үлэ барыахтаах. Холобур, куорат таһынааҕы бөһүөлэктэргэ гаас баар курдук эрээри, баттааһына (давление) тиийбэт. Мархаҕа, Покровскайдыыр аартыкка үлэ ыытыллыаҕа.
— Газомоторнай оттукка тохтоотоххо?
— Убатыллыбыт айылҕа гааһын туһаныы уустук суоллаах-иистээх сирдэргэ наада. Хас эмэ уонунан килэмиэтири тардар кыахпыт суох, үп да тиийбэт. Убатыллыбыт гаас көмөтүнэн эрэ туһаныахха сөп. Бастакы пилотнай бырайыак Хачыкаакка үлэлиэҕэ. Илин эҥэргэ, Бүлүү улуустарыгар бу эмиэ наадалаах.
— Быыбартан астынныҥ дуо?
— Оннук. Дьон кэлиитэ, кыттыыта үрдүк. Быыбары үчүгэйдик ааспытынан билиннилэр. Дьон куорат сайдыытын талла. Дьокуускай — эрэллээх илиигэ!
— Обедины мээр хамаандатыгар киллэриэххэ.
— Ону саҥа мээр бэйэтэ быһаарыаҕа.
Бэлэмнээтэ Женни Стрюкова
Хаартыска: сахагов