Быһа сибээс: Аэропуорду сабаллар дуо?

Ааптар: 
Бөлөххө киир:

Үгүс киһини айан-сырыы боппуруоһа долгутар. Биһиги араас сурахтарга итэҕэйэр идэлээхпит мэлдьэх буолбатах. Бу да сырыыга оннук сураҕы Ил Дархантан токкоолостулар. 

Дьокуускай көтөр-түһэр балаһатын туһунан. Авиапуорду сабаллар дииллэр.

Авиапуорду саппаттар. Кылгас балаһанан көтүөхтэрэ. Тохтобула да суох көтүү хааччыллыаҕа.

Оттон Нерюнгри аэропурдугар тохтоотоххо, быйыл үлэтэ түмүктэниэҕэ. 4 ый устата авиапуортара сабыллыаҕа. Сэтинньигэ Нерюнгри аэропуордун балаһата үлэлииргэ сөптөөх буолуоҕа. Бу федеральнай бас билии. Онон Росавиация боротокуолун кэтэһэбит.

Быһыыны ыларга күһэйэр кыахтаахтар дуо?

Быһыыны ылыы олоччу баҕа өттүнэн оҥоһуллар.

Хаарбах дьиэлэртэн хаһан көһөрүөхтэрэй?

Үлэ бара турар. Тохсунньу-олунньу ыйдарга ханна көһүөхтэрэй? Олорор дьиэ тутулунна да, көһүү саҕаланар. Кыраапыгы тутуһан иһэбит.

Дьокуускайга дьиэ сыаната тоҕо үрдүгүй?

Олорор дьиэни маассабайдык тутуохпутун наада. Маныаха сөптөөх усулуобуйа баар. Тэтиммитин ылыахпыт дии саныыбын. Дьиэ элбээтэҕинэ, сыана да оннун булуоҕа.

Токко өрүс боппуруоһугар тохтоотоххо, туох диэн быһаарыы ылылынна?

Бу боппуруоска СӨ Экологияҕа министиэристибэтэ кытаанах, булгуруйбат.

Суол өрөмүөнүгэр тохтоотоххо?

Быйыл Дьокуускайга Окружной шоссеҕа үлэ барар. 4 балаһалаах буолуохтаах. Бүлүүлүүр аартыкка эмиэ үлэ ыытыллар. Бэл, аспаал суол быйыл М.К.Аммосов төрөөбүт дойдутугар тииийэҕэ.

РНА бэрэсидьиэнэ Саха сиригэр кэлэ сылдьыыта науканы сайыннарыыга төһүү буолуо дуо?

Биллэн турар. РНА бэрэсидьиэнэ биһиэхэ 25 сыл буолан баран үктэннэ. Киэҥ хабааннаах сүбэ мунньахтары ыытта. Арктика оройуоннарын кэлимсэ сайыннарыыга болҕомтону туһаайда. Ону тэҥэ наукаҕа уона үрдүк үөрэхтээһиҥҥэ. Бу күннэргэ бу сырыы түмүгүнэн тэрээһиннэри торумнуохпут. Науканы сайыннарбакка эрэ бачча улахан сири-уоту сайыннарар кыахпыт суох.

Бэлэмнээтэ Женни Стрюкова.

Хаартыска: сахагов

+1
0
+1
0
+1
0
+1
0
+1
0
+1
0
+1
0