Быһа эпиир: «Кыһын Саха сириттэн саҕаланар» тэрээһин интэриэһиргэтэр

«Кыһын Саха сириттэн саҕаланар» кыһыҥҥы туризм бэстибээлэ хайдах ааһыан сөбүн туһунан  миниистир Ирина Высоких ыытар быһа эпиирин кыттыылаахтара ыйыттылар.

edersaas.ru

Миниистир «тэрээһин социальнай ситимнэринэн барыаҕа» диэн иһитиннэрэн туран, кэккэ куонукурустар ис хоһооннорун билиһиннэрдэ.

— «Кыһын Саха сириттэн саҕаланар» диэн бэстибээл чэрчитинэн Саҥа дьыллааҕы харыйаны уматыы олус интэриэһинэй буолуоҕа. Ону көтүтүмэҥ, — диэн бэлиэтээтэ миниистир.

«Тоҕо инстаграмҥа  тус бэйэҥ аккаунуҥ суоҕуй?» диэн ыйытыыга миниистир «фейсбукка көхтөөхтүк үлэлиибин. Үгүс киһи ыйытарынан сибээстээн, инстаграмҥа сирэй аһыам диэн санааҕа кэллим», -диэтэ.

«Туох чэпчэтиинэн туһаныахпытын сөбүй, өскө дьаҥтан эмсэҕэлээбиттэр испииһэктэригэр киирбэтэх буоллахпытына?» — диэн ыйытыыга кэккэ чэпчэтиини ааттаата. Бу туһунан сиһилии сырдатыахпыт.

Елена ПОТОЦКАЯ, «Саха сирэ» хаһыат, edersaas.ru