Сүрүн Успуорт

Быһа эпиир: «Дыгын оонньууларын» иккис сүүмэрдиир түһүмэҕэ саҕаланна

Бүгүн уонна сарсын, муус устар 24-25 күннэригэр, Дьокуускайга «Өрөгөй» успуорка бэлэмнэнии киинигэр «Дыгын оонньууларын» иккис сүүмэрдиир түһүмэҕэ буолар. Манна барыта 23 боотур күөн көрсөн саҕалаата. Тэрийээччилэр этэллэринэн, күрэхтэһии көрөөччүтэ суох уонна туох баар санитарнай нуорманы тутуһан ыытыллар.

Многоборецтар хаалбыт үс путевка иһин илин-кэлин түсүһүөхтэрэ. «Дыгын оонньууларын» кыайыылааҕын аатын сайын Туймаада ыһыаҕын кэмигэр ыытыллар финалга билиэхпит.

Бүгүҥҥү күҥҥэ тоҕус боотур финалга кыттар бырааптаах: Леонид Филиппов (Амма), Вячеслав Дьяконов (Нам),  Дьулустаан Ноговицын (Горнай), Николай Матаннанов (Дьокуускай), Егор Филиппов (Хаҥалас), Тимофей Большаков (Сунтаар), Артем Варданян (Нам), Павел Друзьянов (Чурапчы), Владимир Федоров (Ньурба).

Бүгүн-сарсын уолаттар үгэс буолбут сэттэ көрүҥҥэ күрэхтэһиэхтэрэ: «Үс төгүл үс», «Тутум эргиир», мас-рестлинг, оҕунан ытыы,  400 миэтэрэҕэ сүүрүү, хапсаҕай уонна тааһы көтөҕүү.

Быһа эпиири манна көрүҥ:

«Спорт Якутии» хаартыската.

0
0
Telegram @edersaas20