Ил Дархан Айсен Николаев «Быһа эфирэ» социальнай ситимнэргэ лоп курдук 20.00 ч. саҕаланна.
edersaas.ru
Дьон ханнык боппуруостары биэрэллэрий?
- Ыйытыы: Аптекаларга медицинскэй мааска тоҕо суоҕуй?
- Хоруй: 5 мөл. саккаастаммыта. 3 мөл. кэлбитэ. Бастатан туран, эмчиттэргэ, быраабы араҥаччылааччыларга биэрэбит. Көҥүл атыыга таһаара иликпит.
- Ыйытыы: Харантыын хаһан тохтуоҕай?
- Хоруй: Ким да ону билбэт. Ыалдьар дьон ахсаана элбээн иһэр. Балаһыанньаттан көстөн иһиэҕэ
- Ыйытыы: Кус туох диэн буолла?
- Хоруй: Муус устар бүтэһигэр быһаарыы ылыахпыт. Үгүс эрэгийиэҥҥэ булт тохтотуллан турар. Биһиги дьаҥынан сутуллуу туругуттан быһаарыахпыт.
- Ыйытыы: Дьиэҕэ олорортон наһаа сылайдыбыт. Хаһан көҥүлү биэрэҕит?
- Хоруй: Ким ону сөбүлүөҕэй? Көҥүлү биэрдэххэ, киһи барыта сутуллан, балыыһа туолуоҕа. Оннугу ким баҕарарый?
- Ыйытыы: Аэропортары тоҕо саппаккытый?
- Хоруй: Аэропортары сабыыны дойду салалтата эрэ быһаарар боппуруоһа. Пассажир 95%-на — Саха сирин дьоно. Бобон кэбистэхпитинэ бу дьон ханна баралларый? Аны бэйэбит ыччаттарбыт үөрэхтэрин тэйиччи салҕаары кэлэллэр. Ыарыһах дьон эпэрээсийэттэн төннөллөр. Онон сырыы-айан тохтуур кыаҕа суох.
«Быһа эфир» салгыыта бэчээттэниэ.
Елена ПОТОЦКАЯ, «Саха сирэ» хаһыат, edersaas.ru
+1
+1
+1
+1
+1
+1
+1