ҺӨҔҮҤ буукубаларга анаммыт муус скульптуралар бэстибээллэрэ буолан ааста

Бу күннэргэ “Өктөм” сынньалаҥ пааркатыгар сыл аайы ыытыллар хаар уонна муус скульптуралар бэстибээллэрин сүрүн тиэмэтинэн ҺӨҔҮҤ буукубалары харыстааһын тула буолла. Бэстибээл сүрүн тиэмэтин «Культура Якутии» айар түмсүү кыттыылаахтара, «ҺӨҔҮҤ: саха тыла» арт-эбийиэги тутуу көҕүлээччилэрэ Александра Неустроева уонна Людмила Федора буоллулар.

Барыта 14 хамаанда кыттыны ылбыт. 28 уус Дьокуускайтан, Тааттаттан, Чурапчыттан, Намтан, Уус Алдантан, Мэҥэ Хаҥаластан кэлэн күрэхтэстилэр. Эдэр худуоһунньуктар ҺӨҔҮҤ буукубалар баар тыллартан иэйии ылынан саха киһитигэр чугас уобарастары чочуйан таһаардылар. “Оҕо”, “Үөрүү”, “Үөрэх”, “Саҥ” уо.д.а.

Күрэҕи тэрийбит “Өктөм” паарката, Өктөм нэһилиэгин  дьаһалтата, Хаҥалас улууһун дьаһалтата – сыаналаах бириистэрин олохтоотулар. Дьүүллүүр сүбэ  бэрэссэдээтэлинэн биллиилээх муос ууһа, муус скульптура маастара, норуоттар икки ардыларынааҕы күрэхтэр кыайыылаахтара, Арассыыйа үтүөлээх худуоһунньуга Федор Марков буолла.

https://www.instagram.com/p/CagspuHsCtW/