Олунньу ый саҥата кыыллары көмүскүүр волонтердар көҕүлээһиннэринэн 45 ыты Бурятияҕа тиэйэн илдьибиттэрэ.. Ол эрээри ыттар докумуоннара ситэтэ суох диэн баайсаннар төттөрү ыытыы туһунан боппуруос көтөҕүллүбүтэ. «Помоги выжить” аһымал пуонда салайааччыта Екатерина Безрученко иһитиннэрбитинэн, бу 45 ыт бары чииптэнэн, ииримтийиини утары быһыыны ылбыттар. Ол эрээри Бурятия бэтэринээрийэтин управлениетын салайар Эрдэм Сангадиев: “Ыттары төттөрү ыытар туһунан толкуйдуубут” диэн «Саха сирэ” хаһыакка санаатын эппитэ. «Өскөтүн ыттартан аккаастанар буоллахтарына, мин төттөрү ыларга бэлэммин”, — диэн Екатерина Бузрученко санаатын үллэстибитэ. Ыттар дьылҕалара ханна тиийбитин сураһаары Улан Удэ куорат волонтеругар Елена Мордвинаҕа сибээскэ таҕыстыбыт:
-Саха сириттэн кэлбит 45 ыт билигин «Возрождение» диэн питомникка бааллар. Уон хонуктаах харантыыннара дьэ бүттэ. Ыттары барыларын бэйэм ааппар суруттаран, саҥаттан докумуон оҥоттордум. Ииримтийиини утары ревакцинация ыллылар. Билиҥҥи туругунан түөрт ыты Питергэ уонна Тюмень куоракка саҥа хаһаайыттар ылан эрэллэр. Сыыйа баҕалаах дьоҥҥо ыттары түҥэтэн олохтуур санаалаахпыт. Саха сирин олохтоохторо, олох долгуйумаҥ, эһигиттэн кэлбит ыттар бары тыыннаахтар, этэҥҥэлэр.
Ульяна ЗАХАРОВА.
Елена Мордвина хаартыскаҕа түһэриилэрэ.