Биһиги күннээҕи олохпутун чэпчэтэр цифровой технология «өйдөөх тэриллэрэ» өтөн киирэн иһэллэр. Холобур, быата суох, батарыайанан барар, туох эрэ умайан, буруо таҕыстаҕына, тыллыыр тэрили дьиэҕэ туттарга бэрт судургу. «Хобуоччу» 5-10 сыл үлэлиир, онтон уларытан биэрэҕин. Өскөтүн буруо таҕыстаҕына, туох эрэ умайдаҕына, дьиэлээх киһи смартфонугар саҥарар SMS иһитиннэрии кэлэр. Кини төлөпүөнүн хаһан көрүөр диэри тыаһыыр. Ону ааһан, Баһаарынай сулууспаҕа эмиэ тиэрдэрин курдук билиҥҥитэ оҥоро сылдьаллар.
Александр Баланов, «Инфокоммуникационнай технология» өрөспүүбүлүкэтээҕи киинин дириэктэрин солбуйааччы:
— Өйдөөх камера подъезка эркини марайдыыр, ааны, лиибы алдьатар, тоҕута сынньар, көҕүрэттэр дьон сирэйдэрин көрөн, чуолкай ааттарын-суолларын, дьиэтээҕи аадырыстарын Салайар хампаанньаҕа тиэрдэр кыахтаах. Оччотугар киһи тута эппиэккэ тардыллар, — диэн билиһиннэрэр.
Марианна Тыртыкова, «Саха сирэ» хаһыат, edersaas.ru
+1
+1
+1
+1
+1
+1
+1