Буруо коронавирустаабыт дьоҥҥо дьайыытын чинчийиэхтэрэ

Ааптар: 
Бөлөххө киир:

Атырдьах ыйын 11 күнүгэр Саха сирин Ил Дархана Айсен Николаев РФ доруобуйа харыстабылын миниистирэ Михаил Мурашконы кытта төлөпүөнүнэн кэпсэтэн, Covid-19 ыарыынан ыалдьыбыт киһи  этигэр-сиинигэр буруо сабыдыалын чинчийэр исписэлиистэри Саха сиригэр ыытарга көрдөспүтэ.

«Экэниэмикэ үрдүкү оскуолата» Национальный чинчийэр университет (НИУ ВШЭ) иһинэн доруобуйа харыстабылын экэниэмикэтин институтун дириэктэрэ Лариса Попович: «Доруобуйа харыстабылын министиэристибэтин исписэлиистэрэ Саха сиригэр Covid-19 утары охсуһууга бэрт туһалаах буолуохтарын сөп», — диэн санаатын үллэһиннэ. Саха сирин баһылыга аналлаах исписэлиистэри ыҥырбыта олус оруннаах быһаарыы буолар диэн бэлиэтээтэ.

«Биллэн турар, Саха Өрөспүүбүлүкэтигэр ойуур баһаардара  тыҥа да, атын да уорганнар хроническай ыарыыларын сытыырхаталлар. Организмҥа кислород кииритэ аҕыйыыр, иммуннай систиэмэ үлэтэ ыарыыр, биһиги ону 2010 сыл Москваҕа баһаардартан үөскээбит быһылааннарынан өйдүүбүт. Доруобуйа харыстабылын исписэлиистэрэ  киһи организмыгар буруо  хайдах сабыдыаллааҕын быһаарыахтаахтар, онно олоҕуран ыарыыны бохсор быһаарыыллары биэриэхтээхтэр«, — диэн Попович кэпсээтэ.

«Саха сирэ» хаһыат, edersaas.ru

Хаартыска: aif.ru

+1
0
+1
0
+1
0
+1
0
+1
0
+1
0
+1
0