Буойун аҕаларын үйэтитэн

Ааптар: 
Бөлөххө киир:

Мэҥэ Хаҥалас улууһун 2-с Наахара нэһилиэгэр сэрии уонна үлэ бэтэрээннэрин аатын үйэтитиигэ былааннаах үлэ ыытыллар.

Ол курдук, бэтэрээн саллааттар оҕолоро араас быра­йыактары үлэлэтэллэр: “Бэтэрээн аатын үйэтитии” /Луковцева Ф.Н./, “ Бэтэрээн аҕабыт, эһэбит кэриэһигэр кэнсиэр” /Сидорова Т.И./, “Сэрии сылын оҕолор” /Прокопьева Л.Н./, “Бэтэрээн аатын хаартысканан үйэтитии” /Никифоров Е.Е./ уо.д.а.

Биир кэрэхсэбиллээх быра­йыагынан “Кыайыыны уруйдуур хоһооннор” диэн эдьиий­дии-балыстыы Ирина, Наталья Никаноровалар быра­йыактара буолар. Кинилэр бу бырайыагы аҕаларын, сэрии уонна үлэ бэтэрээнин, 20-с кондепо ба­­йыаһын Никаноров Дмитрий Антонович сырдык кэриэһигэр анаан үлэлэппиттэрэ бэһис сыла. Онон Улуу Кыайыы күнүгэр ку­­йаар ситиминэн өрөспүүбүлүкэҕэ видеонан хоһоон ааҕааччылар күөн күрэстэрэ буолан ааста. Араас улуустартан хоһоон куттаах 19 киһи кытынна. Кыттааччылар саха биллиилээх бэйиэттэрин хоһооннорун аахтылар, сорохтор бэйэлэрэ суруйбут хоһооннорунан кытыннылар.

Түмүк маннык буолла:
1 миэстэ – Ваня Григорьев, Мэҥэ Хаҥалас, Табаҕа. Тимофей Сметанин “Хааннаах хара баттах”, 3000 солк.
2-с миэстэ – Максим Татаринов, Уус Алдан, Суотту. Эллэй “Бырастыылаһыы”, 2000 солк.
3-с миэстэ – Анна Ноговицына, Чурапчы, Мугудай. Петр Тобуруокап “Санаабыттан ааһан биэрбэт”, 1000 солк.
Кылаан кыайыылаа­ҕынан буолла Елена Проко­пьева, Мэҥэ Хаҥалас, Хочо. Сэрии уонна үлэ бэтэ­рээнэ, 20-с кондепо байыаһа Никаноров Дмит­рий Антоновичка анабыл хоһоонун иһин, 5000 солк. Никаноров Д.А. сиэннэрин анал бирии­һэ – 2000 солкуобай Юнона Игнатьеваҕа тигистэ, Мэҥэ Хаҥалас, Майа. В.М. Но­виков-Күннүк Уурас­тыырап “Эн килбиэннээх ааккынан киэн туттабыт!”
Бырайыак ааптардара бары кыттыбыт дьоҥҥо махталларын тиэрдэллэр, хоһоон күрэҕэр эдэр ыччаттар кыттыбыттарыттан астыналларын биллэрэллэр.

Елена Прокопьева, уопсастыбаннай кэрэспэдьиэн

Хаартыскаҕа: 1. Сэрии бэтэрээнэ Никаноров Д.А.(ааптар ыытта)

+1
0
+1
0
+1
0
+1
0
+1
0
+1
0
+1
0