Айылҕа харыстабыла Маны аах

Бултуур сир иһин биир кэмнээх төлөбүрү аччаттылар

Бултуур-хаһаайыстыбаннай сөбүлэһиилэри түһэрсэр быраабы ылыыны аукциона суох ыытыыга  булт-хаһаайыстыбаннай сөбүлэһиилэрин түһэрсиигэ бултуур сирдэр иэннэрин төлөбүрэ 1 гектар иһин 1 солкуобайтан 10 харчыга диэри аччаата.

Маннык ыстаапка юридическай сирэйдэргэ туһаныллар: хоту дойду аҕыйах ахсааннаах төрүт норуоттарын общиналара, общиналар сойуустара (ассоциациялара),  ону тэҥэ биирдэм урбаанньыттар – хоту дойду аҕыйах ахсааннаах төрүт норуоттарын бэрэстэбиитэллэрэ.

Бу  хоту дойду аҕыйах ахсааннаах төрүт норуоттарын уонна урбаанньыттарын өйүүргэ туһааннаах этиини өрөспүүбүлүкэ баһылыга Айсен Николаев Арассыыйа Федерациятын Бырабыыталыстыбатын Бэрэссэдээтэлэ Михаил Мишустиҥҥа ыыппыта.

Булт-хаһаайыстыбаннай сөбүлэһиилэри түһэрсэр быраабы ыларга аукциону ыыппакка эрэ булт-хаһаайыстыбаннай сөбүлэһиилэри түһэрсэргэ бултуур сирдэр биир иэннэрин төлөбүрүн ыстаапкаларын туһунан” РФ Бырабыыталыстыбатын 2010 сыл бэс ыйын 30 күнүнээҕи 490 №-дээх уурааҕар уларыйыылар күүһүгэр кулун тутар 23 киирбиттэрэ.

Саха сирин Экологияҕа министиэристибэтэ булт-хаһаайыстыбаннай сөбүлэһиигэ кыылы-сүөлү туһаныыга быраабы ылыыга уһун болдьохтоох лицензияттан көспөтөх хоту дойду аҕыйах ахсааннаах төрүт норуоттарын общиналарын уонна биирдэм урбаанньыттарын  докумуоннарын Экологияны  судаарыстыбаннай  кэтээн көрүүгэ оройуоннардааҕы кэмитиэттэригэр (иниспиэксийэлэригэр) эбэтэр Булт хаһаайыстыбатын уонна ураты харыстанар айылҕа сирдэрин департаменыгар докумуоннары маннык аадырыска биэрэргитигэр ыҥырар:  Дьокуускай к., Курашов уул., 30/1, кэб 203. Эл почта: minopr_fon@sakha.gov.ru/.

 

Бэлэмнээтэ Женни Стрюкова

 

 

0
0
Telegram Whatsapp