Булт көҥүлүн ылыыга сэрэбиэй иккистээн ыытыллыаҕа

Бөлөххө киир:

Кыыл табаны, тайаҕы, бүүчээни, эһэни бултуурга көҥүлү биэриигэ электроннай сэрэбиэй хат ыытыллар буолла.  Тэрээһиҥҥэ сайабылыанньаны эрдэ биэрбиттэр уонна сөбө суох эппиэти ылбыттар кытталлар. Онон сайабылыанньа  хаттаан бэриллибэт.

Сэрэбиэй балаҕан ыйын 15 күнүгэр 10 чаастан   буолуоҕа.  Тэрээһин  СӨ Экологияҕа министиэристибэтин официальнай саайтыгар ыытыллыаҕа уонна түмүгэ тахсыаҕа.   Сэрэбиэй түмүгүнэн  испииһэккэ киирбит дьон  балаҕан ыйын 16 күнүттэн  судаарыстыбаннай өҥө порталыгар киирэн,  бултуурга аналлаах көҥүлү  хантан уонна хас чааска ыларга сайабылыанньаны биэриэхтээхтэр. Өскөтүн,  гражданин судаарыстыбаннай порталга  киирэр кыаҕа суох буоллаҕына,  биэс күн иһинэн почта сибээһин көмөтүнэн тустаах иһитиннэриини ыытыахтаах,  электроннай почтатын, төлөпүөнүн нүөмэрин толору ыйбыт буолуохтаах.

edersaas.ru

+1
0
+1
0
+1
0
+1
0
+1
0
+1
0
+1
0