Айылҕа харыстабыла Уопсастыба

Булт билиэтин хайдах ылабыт?

Булт билиэтин болдьоҕо хааччахтааһына суох,  учуотунай  сиэрийэлээх уонна нүөмэрдээх докумуонунан буолар.  Докумуону бланкаҕа  эбэтэр электроннай версияҕа толоруллар.

Ханна толоруохха сөбүй?

— Судаарыстыбаннай уонна муниципальнай өҥө порталыгар киирэн (https://www.gosuslugi.ru/);

— Элбэх хайысхалаах кииннэргэ анаан-минээн тиийэн;

— СӨ Экологияҕа, айылҕаны туһаныыга уонна ойуур хаһаайыстыбатын министиэристибэтигэр тиийэн.

   Туох ирдэнэрий?

— 30 x 40 мм  кээмэйдээх өҥнөөх эбэтэр боростуой икки хаартыска. Бэргэһэтэ суох түспүт хаартыскаҕыт буолуохтаах;

— пааспар куопуйата (сүрүн сирэйэ уонна бырапыыскалаах өттө).

Докумуону ылыыга сайабылыанньаны туттарбыт кэнниттэн тустаах билиэт 5 үлэ күнүн иһинэн бэриллэр. Ханна? Дьокуускай куорат,  Курашов уулусса 30/1, 206-с, 212-с кэбиниэттэргэ. Билсэр төлөпүөҥҥүт: 8 (4112) 50-85-38.

0
0