Тохсунньуттан бултуурга саҥа быраабылалар киирдилэр. Холобур, урут тыаһа-ууһа суох ох саанан, арбалетынан бултуур бобуулаах этэ. Быйылгыттан көҥүллэнэр буолла.
Ону тэҥэ, хараҥаҕа бултуурга уларыйыылар киирдилэр. Эһэни, бөрөнү, шакалы, саһылы, енотка маарынныыр ыты, барсугу, буобураны, туйахтаах кыыллары бултуурга ыраахха диэри сырдатар лаампалары, тепловизордары, хараҥаҕа көрдөрөр прибордары туһанан бултуур көҥүллэннэ. Ол гынан баран, булчут таҥаһа сырдыгы тыктаран көрдөрөр лоскуйдардаах буолуохтаах. Ол булчуттар бэйэ-бэйэлэрин алҕаска бааһырдан кэбиһэллэрин тохтотор.
Көтөрү бултуурга уһун уостаах, быһыылаах сааны уонна булкаас (комбинированнай) сааны туттуу бобуллар. Арай курупааскыны, улары итинник саанан бултуур көҥүллэнэр. Манна бултуур кэмигэр уонна ботуруону туһаныыга хааччахтардаах.
Сорох кыыллары бултуурга саа калибрыгар хааччахтар киирдилэр. Холобур, куобаҕы, дьиикэй хоруолугу, тииҥи, кырынааһы, уо.д.а. бултуурга 5,7 мм калибртан улахан ботуруон көҥүллэммэт. Буобураны, сиэгэни, бэдэри, барсугу бултуурга 8 мм калибртан үөһэ буолуо суохтаах.
Ангелина Васильева, «Саха сирэ» хаһыат, edersaas.ru
Хаартыска: интэриниэттэн