Хаҥалас улууһугар, Булгунньахтаахха, «Хаҥалас Ас» ТХПК баазатыгар эти, балыгы уонна сир аһын астыыр сыах арыллыбыт.
СӨ Тыа хаһаайыстыбатын министиэристибэтин пресс-сулууспата иһитиннэрбитинэн, кэпэрэтиип былырыын күөн күрэскэ кыттан, бу министиэристибэ 7 мөлүйүөн солк. суумалаах граныгар тиксибит. «Хаҥалас Ас» ТХПК толорооччу дириэктэрэ Валентин Иванов сырдаппытынан, үүт таһар массыыналаммыттар, кэпэрэтиип материальнай-тэхиниичэскэй баазатын тупсарбыттар.
Үс бастайааннай үлэһити сэргэ, дьыл кэмиттэн көрөн эбии үлэһиттэри ылан үлэлэтэллэр. Сылы эргиччи үлэлиэхтээх сыахха нэһилиэнньэттэн ынах, сылгы этин, балыгы, сир аһын тутар былааннаахтар. Сиһилии Тыа хаһаайыстыбатын министиэристибэтин саайтыгар көрүҥ.
+1
+1
+1
+1
+1
+1
+1