Муус устар 1 күнүттэн e-yakutia.ru порталга бултуурга көҥүлү үллэриигэ кыттарга сайабылыанньалары ылыы саҕаланар.
edersaas.ru
“Бултааһын уонна булт ресурсаларын харыстааһын туһунан” өрөспүүбүлүкэ сокуонугар ылыныллыбыт көннөрүүлэр булт ресурсаларын бултуурга көҥүлү үллэриини электроннай сэрэбиэй көмөтүнэн ыытары ирдииллэр.
Электроннай сэрэбиэйдэһиигэ кыттарга Госөҥө (Госуслуга) порталыгар бигэргэммит бэлиэтэнэр суруктаах (учетная запсь) буолуохтааххын. Сайаапкаһыт электроннай сайаапканы www.e-yakutia.ru порталга 2020 сыл муус устар 1 күнүттэн бэс ыйын 30 күнүгэр диэри эрэ болдьоххо толорор, онно булчут билиэтин чахчыларын киллэрэр. Онуоха лимииттэнэр булт ханнык көрүҥүн, бултуур оройуонун уонна бултуурга көҥүлү ылар миэстэтин ыйыахтаах.
Ол эрээри, Арассыыйаҕа уустук эпидемиологическай балаһыанньа туһунан санатары тоҕоостооҕунан ааҕабыт. Олохтоммут харантыынынан сибээстээн, бэлиэтэммиккин бигэргэтэр (учуоттуур суругу ) ЕСИА хааччыйар кииннэртэн сорохторо сабылыннылар эбэтэр хааччыйыы ураты эрэсиимигэр киллэрилиннилэр. Ол курдук, Дьокуускай куоракка МФЦ базатыгар үлэлиир ЕСИА-ны хааччыйар кииннэр сорохторо сабылыннылар. “Мои документы” офистарын үлэлэрин туһунан чопчу иһитиннэриилэри mfcsakha.ru киирэн көрүөххүтүн сөп.
Муниципальнай тэриллиилэр дьаһалталарын базатыгар ЕСИА хааччыйыы кииннэрэ эмиэ эрдэттэн суруйтарыынан приемнуохтарын сөп. Онон төлөпүөнүнэн ыйыталаһаргыт ордук буолуо.
ЕСИА хааччыйар кииннэр кэрискэлэрин уонна төлөпүөннэрин туһунан https://map.gosuslugi.ru/co хаартатыгар билсиҥ.
— ЕСИА хааччыйыы кииннэригэр үөскээбит эпидемиологическай балаһыанньанан гражданнары приемнааһын бэрээдэгэ уларыйда, — диир инновация миниистирин солбуйааччы Николай Гришаев.
Николай Викторович этэринэн, учуоттаммыт киһи ким буоларын бигэргэтэр түөрт ньыма баар:
— Бэлиэтэниэххин баҕарар бааҥҥар килийиэн буоллаххына, онлайн-баан нөҥүө.
— Хааччыйар кииннэртэн биирдэстэригэр тус бэйэҥ пааспардаах уонна СНИЛС-таах тиийэн.
— Ким буоларгын бигэргэтэр профилы Арассыыйа почтатыгар саакаастаан, почтаҕа.
— Электроннай илии баттааһынынан – Идэтийбит электроннай илии баттааһыны (Квалифицировнная электронная подпись) эбэтэр дэгиттэр туттуллар электроннай хаартаны (универсальная электроная карта).
СӨ Цифровой сайдыыга министиэристибэтэ,
бэлэмнээтэ Женни СТРЮКОВА, “Саха сирэ” хаһыат
Хаартыска: министиэристибэ киэнэ.