БОЛҔОЙУҤ! БОЛҔОЙУҤ! БОЛҔОЙУҤ! “Саха сирэ” хаһыат уонна “Эдэр саас” сайт Саха АССР 100 сылынан, Өрөспүүбүлүкэҕэ Ийэ сылынан, күүстээх от үлэтин үгэнинэн, моой отчуттарга эһиэхэ, анаан “БУКА БАРЫ — ОККО, ОККО!” диэн хаартысканан күөн күрэһи биллэрэр. Күөн күрэскэ көхтөөх кыттыыны ыларгытыгар ыҥырабыт.
1. Конкурс сыала-соруга: өбүгэ үгэһин салҕааһын, ыччаты үлэҕэ сыһыарыы, от үлэтин көҕүлээһин.
2. Күөн күрэс балаһыанньата: куонкуруска кыттааччыга сааһынан хааччах суох.
3. Хаартысканы киллэрии бэрээдэгэ: оттуу сылдьаргытын (илиинэн, тиэхиньикэнэн охсууттан саҕалаан оту мунньууга, кэбиһиигэ тиийэ. От үлэтэ барыта) хаартыскаҕа түһэрэн ыытаҕыт.
Хаартысканы “Эдэр саас” саайтка конкурс балаһыанньата тахсыбыт күнүттэн от ыйын 29 күнүгэр диэри 8-914-285-50-68 нүөмэргэ батсаапка ыытаҕыт.
4. Күөн күрэс ирдэбилэ:
• Хаартыска чуолкай, интэриэһинэй уонна кылгас быһаарыылаах буолуохтаах;
• Кыттааччылар “Бука бары – окко, окко!” конкурска диэн ыйаҕыт;
• Конкурска кыттааччы аатын, араспаанньатын, улууһун, нэһилиэгин толору суруйар. Төлөпүөнүн нүөмэрин ыйар;
• Хаартыска ахсаана – 1-2.
5. Кыайыылаахтары быһаарыы:
• Киирбит үлэлэри дьүүллүүр сүбэ көрөр ону таһынан, куоластааһын edersaas.ru саайтка эмиэ ыытыллар. Куоластааһын от ыйын 30 — атырдьах ыйын 1 күннэригэр буолуоҕа;
• Кыайыылаахтары быһаарыы: дьүүллүүр сүбэ быһаарыытынан – 1 кыайыылаах. Саайтка куоластааһынынан 1, 2, 3 миэстэлэр баар буолуохтара.
Кыайыылаахтар анал бириистэринэн наҕараадаланыахтара.