«Бука бары — окко, окко!» хаартысканан куонкурус түмүктэннэ
«Саха сирэ» хаһыат эрэдээксийэтэ тэрийэн ыыппыт «Бука бары — окко, окко!» хаартысканан куонкурус түмүктэннэ. Куонкуруска өрөспүүбүлүкэ араас улуустарыттан 57 киһи кытынна.
Кыайыылаахтары атырдьах ыйын 5-12 күннэригэр ыытыллыбыт куоластааһын быһаарда. Манна 10 тыһыынчаттан тахса киһи кытынна.
Кыайыылаахтар:
1 миэстэ — Пелагея Петровна Андросова, Чурапчы, Болтоҥо — 2238 куоластаах
2 миэстэ — Егор Егорович Килбясов, Амма, Бөтүҥ — 2235 куоластаах
3 миэстэ —Гаврил Васильевич Цыпандин, Мэҥэ Хаҥалас, Төҥүлү — 1747 куоластаах
Куонкурус кыайыылаахтара
Куонкуруска кыттыбыт бастыҥ хаартыскалары «Саха сирэ» хаһыакка бэчээттиэхпит.
Кыайыылаахтарга грамоталар уонна анал бириистэр туттарыллыахтара. Күрэс кыттыылаахтарын «Саха сирэ» хаһыат эрэдээксийэтигэр (Дьокуускай к., Орджоникидзе уул. 31, 2-с этээс, 233 каб.) күүтэбит.