Бу ыйга улуустар киин балыыһаларыгар 31 УЗИ аппараата тиийиэҕэ

Ааптар: 
Бөлөххө киир:

«Доруобуйа харыстабылын бастакы сүһүөх звенотун эрийгиэннээҕи бырагыраамата» биэс сылга — 2025 сылга диэри суоттанан оҥоһуллубута. 

Бу быраагыраамаҕа олоҕуран, мэдиссиинэ  тэрилтэлэригэр аныгы ирдэбилгэ эппиэттиир, ыарыыны быһаарар оборудованиелары, ол иһигэр  рентген, эндоскопия, УЗИ аппарааттарын тиэрдиэхтэрэ.

2021-2025 сылларга модернизация бырагырааматынан 2 198,15 мөлүйүөн солкуобайдаах 385 мэдиссиинэ оборудованиета, ол иһигэр 117 «ыарахан уйуктаах» тэрил атыылаһыллыахтаах.

Атырдьах ыйыгар 160 мөлүйүөн солкуобайдаах 31 УЗИ аппараата өрөспүүбүлүкэ 18 киин балыыһатыгар тиэрдиллиэҕэ. Маны таһынан, ис уорганы чинчийэр гинекология уонна акушерство салааларыгар, тымыры бэрэбиэркэлииргэ, уҥуох-былчыҥ систиэмэтин, сүрэҕи уо.да. чинчийиилэри оҥорор УЗИ аныгы аппарааттара кэллилэр.

Саҥа аппарааттарга Мэҥэ Хаҥалас, Хаҥалас, Абый, Алдан, Анаабыр, Булуҥ, Бүлүү, Кэбээйи, Ленскэй, Мииринэй, Нам, Ньурба, Нерюнгри, Сунтаар, Томпо, Уус Алдан, Усуйаана оройуоннара тиксихтэрэ.  Маны таһынан, бырагыраама чэрчитинэн 3 лапароскопическай уонна 12 анестезиологическай систиэмэлэр атыылаһыллыбыттарын туһунан СӨ Доруобуйа харыстабылын министиэристибэтэ иһитиннэрэр.

Елена ПОТОЦКАЯ, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0