Култуура Маны аах

«Тэтими» кытта күнү көрсүөҕүҥ!

Саха сирин сүрүн бырааһынньыга, Тунал ыһыах ыыттыллар кэмэ тиийэн кэллэ. Бу түүн, бэс ыйын 20-21 күннэрэ быысаһар кэмнэригэр “Тэтим” араадьыйа долгунугар алгыс тыллар этиллиэхтэрэ.

edersaas.ru

Иккис сылын хамсыктан хаайтаран Ыһыахпытын илэ көрсүбэккэ атааран эрэбит. Ол да буоллар чугас сэргэ дьоммутун санаан, дьиэ кэргэммит иһигэр сайыҥҥы мааны ыһыаҕы бэлиэтээн ыллахпыт буоллун.

Бу түүн 02 чаас 25 мүнүүтэҕэ күнү көрсүү, арчыланыы алгыһа “Тэтим” араадьыйа долгунугар  буолуоҕа (fm 107.1). Алгыһы СӨ үтүөлээх артыыһа, Олоҥхо тыйаатырын солиһа Валентина Исакова ыытыаҕа. Алгыһы ону таһынан «Саха» НКИХ быһа биэриитигэр истиэххитин сөп. http://nvk-online.ru/new/radio-tetim/

«Саха сирэ» хаһыат, edersaas.ru

Хаартыска sakha.gov.ru

0
0