Маны аах Уопсастыба

Бу киинэни көрөн кыһалҕалаах дьоҥҥор көмөлөс (видео)

Эрдэ иһитиннэрбиппит курдук, Саха сиригэр арыгыга ылларбыт дьахталлары эмтээһин туһунан документальнай киинэ уһулла сылдьар.

 

Бэс ыйын 20 күнүгэр документальнай киинэ икки сериятын билиһиннэрдилэр. Сүрүн дьоруойдар – Наркология өрөспүүбүлүкэтээҕи диспансерын  социальнай үлэһиттэрэ – психологтар уонна диспансерга эмтэнээччилэр.

Сериалга наркология үлэһиттэрэ мэдиссиинискэй суруналыыстар Алла Клецконы уонна Зоя Игнатьеваны кытары үлэлээтилэр. Сериал  Наркология  өрөспүүбүлүкэтээҕи диспансерын “Ийэҕэ бэриллэр кыах” биир сыллааҕы бырайыагын чэрчитинэн уһуллар уонна Саха Өрөспүүбүлүкэтигэр биллэриллибит Ийэ сылыгар ананар.

Бастакы сериалга Айталина Наркология диспансерыгар эмтэнэ сылдьан өссө олоҕун доҕорун булбутун туһунан киһини уйадытыах кэпсиир.  Сериал иккис аҥаарыгар улахан болҕомто  дьахтар арыгылааһынын төрүөттэригэр ууруллубут, диспансер психологтарын уонна социальнай үлэһиттэрин үлэлиир ньымалара көрдөрүллэр.

Сериалы Ютуб-ханаалга “Саха сирин доруобуйата” диэн ыйытан эбэтэр Наркология диспансерын Рутуб-ханаалыгар уонна Yarnd.ru сайтка көрүөххэ сөп.

Надежда ЕГОРОВА, «Саха сирэ», edersaas.ru

0
0
Telegram @edersaas20