Бу күннэргэ Саха сиригэр 145 356 оҕо анал төлөбүрү ылыаҕа

Бөлөххө киир:

Бары билэрбит курдук, бэҕэһээҥҥиттэн  оскуола үөрэнээччилэригэр биир кэмнээх көмө харчыны ыытан саҕалаабыттара.  Ол курдук, Саха сиринээҕи Биэнсийэ пуондатын отделениета иһитиннэрбитинэн, бу күннэргэ өрөспүүбүлүкэ үрдүнэн 93 848 төрөппүт сайабылыанньаларыгар  тустаах көмөнү оҥорорго быһаарыы ылыллан, 145 356 оҕо 10-нуу тыһ. солк. ылыахтара.

Ити сайабылыанньа сууматын сабарга 1,4 мрлд. солк. көрүллэр. Санатар буоллахха, РФ Бэрэсидьиэнэ Владимир Путин ааспыт сэрэдэҕэ,  от ыйын 28 күнүгэр,  оскуола оҕолоругар аналлаах төлөбүрү эрдэ биэрэн саҕалыырга сорудахтаабыта.

Бу төлөбүр «Мир» каартаҕа эрэ түспэт, атын систиэмэнэн үлэлиир каарталарга эмиэ киирэр. Ол иһин төрөппүттэр сайабылыанньаны толороллоругар  каарта нүөмэрин эрэ буолбакка, бааҥҥа баар счеттарын реквизитин ыйаллара булгуччулаах. Итини тэҥэ, төрөппүт туох эмит төрүөтүнэн  сайабылыанньатын хойутаппыт буоллаҕына,  ыксаабакка-ыгылыйбакка, балаҕан ыйыгар уонна алтынньыга биэриэн сөп.

+1
0
+1
0
+1
0
+1
0
+1
0
+1
0
+1
0