Арассыыйаҕа чугастааҕы икки-үс нэдиэлэҕэ бырааһынньык күннэринэн халандаарга уларыйыылар күүтэллэр.
Бу олунньу 23 күнүттэн саҕаланар: Аҕа дойдуну көмүскээччи күнэ сэрэдэҕэ буолар. Онно сөп түбэһиннэрэн, олунньу 22 күнэ кылгатыллыбыт үлэ күнүнэн, онтон 23 өрөбүл күнүнэн буолар.
Ол оннугар аныгыскы нэдиэлэҕэ үлэ күнэ эбиллэн биэрэр. Ол курдук, олунньу 28 күнүттэн кулун тутар 5 күнүгэр диэри үлэ күнэ. Кулун тутар 5 күнэ — кылгатыллыбыт үлэ күнүнэн буолар. Салгыы, Арассыыйа олохтоохторо үс күн субуруччу сынньаналлар. Кулун тутар 8 күнэ — Аан дойду дьахталларын күнэ, онон кулун тутар 6-8 чыыһылалара — сынньалаҥ күннэр. Итиннэ көстөрүнэн, кулун тутар иккис нэдиэлэтигэр үс үлэ күнэ тахсар — 9, 10 уонна 11 чыыһылалар.
Онтон кулун тутар 12 уонна 13 күннэрин кэнниттэн кыраапык мэлдьи баар эрэсиимигэр төттөрү киирэр.
Хаартыска: ru.depositphotos.com