Халлаантан кэтээн көрөөччүлэр иһиттэнэрбиттэринэн, ыам ыйын 29 күнүгэр Саха сиригэр ойуур баһаара бэлиэтэммэтэх. Сууккаҕа 11 көтөр аал ойууру манаабыт.
Бүгүн 6 көтөр аал итиннэ үлэлиэхтээх. Бу туһунан Нэһилиэнньэ куттала суох буолуутун хааччыйар кэмитиэт (Госкомобеспечение) бэрэсэдээтэлин солбуйааччы Яна Наумова брифинг кэмигэр кэпсээтэ.
Ардаҕы ыҥырар зондировщик-сөмөлүөтү былыта суох буолан тохтоппуттар. Былытырдаҕына ити сөмөлүөт Уус Алдан уонна Хаҥалас оройуоннарынан көтүөҕэ, ардаҕы ыҥырыаҕа.
Соторутааҕыта Саха сирин авиалесохранатын үлэһиттэрин Иркутскай уобалаһыгар көмөлөһүннэрэ ыыппыттар.
Яна Наумова сааскы халаан туһунан иһитиннэрбитинэн, муус билигин этэҥҥэ устар, харыы бэлиэтэммэт. Өлүөнэ эбэ мууһун аллараа кирбиитэ Эдьигээн анныгар бэлиэтэнэр. Уу таһыма муҥутуур кутталаах таһымыттан намыһах. Икки суукканан Булуҥ оройуонун Күһүрүгэр тиийиэҕэ. Дьокуускай, Нам уонна Кэбээйигэ уу таһыма түһэр.
СӨ Ил Дарханын уонна Бырабыыталыстыбатын Пресс-сулууспата