Босхо медицинскэй көмөнү оҥорууга судаарыстыбаннай мэктиэлээһин бырагырааматын бигэргэттилэр
Олунньу 1 күнүгэр СӨ Бырабыыталыстыбатыгар быйыл уонна 2022-2023 сылларга былааннаммыт кэмҥэ гражданнарга мэдииссиинэ көмөтүн босхо оҥорууга судаарыстыбаннай мэктиэ бырагырааматын бигэргэттилэр.
Бу докумуоҥҥа олоҕуран, мэдиссиинэ көмөтүн бырагыраамата СӨ судаарыстыбаннай уонна Булгуччулаах медицинскэй страховкалааһын территориальнай пуондатын бүддьүөттэриттэн көрүллүбүт үбүлээһинтэн көмө маннык көрүҥнэрин пуормата уонна усулуобуйалара олохтонно:
— бастакы медицинскэй-санитарнай көмө (поликлиникаҕа).
— анал үрдүк технологиялаах медицинскэй көмөнү оҥоруу (төгүрүк сууккаҕа үлэлиир стационарга);
— суһал көмө, ол иһигэр суһал анал медицинскэй көмө;
— паллиативнай медицинскэй көмө (көрүүгэ-истиигэ наадыйар ыарахан ыарыһахтарга). Уопсайа бырагыраамаҕа өрөспүүбүлүкэ
114 медицинскэй тэрилтэтэ кыттар. Докумуон
медицинскэй көмөнү оҥоруу бэрээдэгин уонна төрүөтүн учуоттаан оҥоһулунна. Маны таһынан, нэһилиэнньэ састаабын, эр киһи уонна дьахтар араастаһыыларын, ыарыһах сааһын учуоттааһын, нэһилиэнньэ ыарытыйар ыарыытын ис төрүөтэ мэдиссиинэ статистикатын чахчытыгар олоҕуран үөрэтилиннэ. Бу туһунан СӨ Бырабыыталыстыбатын пресс-сулууспата иһитиннэрдэ.
Елена ПОТОЦКАЯ, «Саха сирэ» хаһыат суруналыыһа, edersaas.ru