Хотугулуу-Илиҥҥи федеральнай университет үөрэххэ ураты ирдэбиллээх устудьуоннар, аспираннар уонна исписэлиистэр өрөспүүбүлүкэтээҕи ассоциацияларын уопсастыбаннай тэрилтэтэ эдэр дьону босхо куурустарга ыҥырар.
edersaas.ru
Куурус гражданскай уопсастыбаны сайыннарыыга Арассыыйа Бэрэсидьиэнин Гранын олоххо киллэрии чэрчитинэн ыытыллар. Кууруска доруобуйаларыгар кыһалҕалаах, 35-гэр диэри саастаах эдэр дьон адаптивнай компьютернай технологияларга үөрэнэргэ ыҥырыллаллар.
От ыйын 4 күнүттэн үчүгэйдик көрбөт дьон эмиэ мобильнай сенсорнай тэрили уонна үбү-харчыны аныгы технологияларынан сатаан туһанарга босхо куурустарга үөрэнэллэр. Хаачыстыбалаах үөрэҕи хааччыйар туһуттан хас биирдии бөлөххө 10 истээччи ылыллар. Бөлөхтөр ахсааннара хааччахтаах, онон баҕалаахтары тиэтэйэргэ сүбэлииллэр.
Сайаапканы уонна уонна докумуоннар куоппуйаларын pr.egorov@s-vfu.ru электроннай почтаҕа ыытыахха;
Эбэтэр Дьокуускай куорат, Кулаковскай уул. 42 дьиэтигэр, ХИФУ кылаабынай куорпуһугар, 334 кэбиниэххэ аҕалыахха;
Эбэтэр 49-66-64 нүөмэргэ эрийэн билсиэххэ сөп.
Бэйэҕитин кытта пааспаргытын, МСЭ ыспыраапкатын уонна резюмеҕытын ыларгытын умнумаҥ.
Надежда ЕГОРОВА, “Саха сирэ”, edersaas.ru