Таатта улууһун Боробул бөһүөлэгэр быйыл күһүҥҥүттэн саҥа амбулаторияланнылар.
Бу «Доруобуйа» национальнай бырайыагынан тутулунна. Нэһилиэккэ бастакы ФАП 1954 сыллаахха, оччолорго эдэр фельдшер, кэлин терапевт быраас буолбут М,П.Заболоцкая үлэлии кэлбитигэр тэриллибит. Оччолорго колхуос бэрэссэдээтэлинэн үлэлиир Иннокентий Кузьмин, балыыһаланар туһуттан, салалта хонтуоратын биэрбитэ диэн СӨ Доруобуйа харыстабылын министиэристибэтин пресс-сулууспата бэлиэтиир.
Онтон 1967 сыллаахха нэһилиэк сэбиэтин бэрэссэдээтэлэ Иван Тарбахов, үлэтинэн Сэбиэскэй Сойууска бастыҥ бэрэссэдээтэл буолан, 10 тыһыынча солкуобай бириэмийэ харчыны тутар. Итиэннэ ол үбүнэн сельсовет дьиэтин туттарбыт. Иван Ефимович үлэтигэр ситиһиитин икки сылынан өссө төгүл хатылаан, Сойууска эмиэ бастыҥынан ааттанар. Итиэннэ онно көрүллүбүт харчыны бу сырыыга балыыһа тутуутугар аныыр. Оттон 1990 сылларга, учаастактааҕы балыыһа арбалит дьиэлэнэн кэҥии түһэр.
Ол кэнниттэн, отут сыл буолан баран, Боробул олохтоохторо саҥа амбулаторияланан үөрүүлэрэ муҥура суох. Онон быйыл аныгы үйэҕэ толору эппиэттиир, саҥа тэрилинэн хааччыллыбыт дьоһун тутуу нэһилиэк килбэйэр киинигэр дьэндэйэн, харахха ыраахтан быраҕыллар.
+1
+1
+1
+1
+1
+1
+1