Маны аах Нацбырайыактар Уопсастыба

Бороҕон быйыл саҥа уһуйааннаныа

Уус Алдан улууһугар Бороҕоҥҥо «Үөрэх» уонна «Демография» национальнай бырайыактарынан уһуйаан уонна оскуола тутулла тураллар. СӨ Бырабыыталыстыбатын бэрэссэдээтэлэ Андрей Тарасенко оройуоҥҥа тутуу хаамыытын билистэ.

 

75 миэстэлээх уһуйааны тутан бүтэрэн быйыл алтынньыга үлэҕэ киллэрэр былааннаахтар. Билигин уһуйаан сирин-уотун тупсаран оҥоруу, истиэнэтин бүрүйүү, о.д.а. үлэлэр ыытыллаллар. Пандус уонна көтөҕөр тэрил оҥоһуллара сабаҕаланар. Андрей Тарасенко үлэ тэтимнээхтик ыытылларын бэлиэтээтэ итиэннэ үлэ сорҕото бүттэҕинэ да үлэһиттэри аҕыйаппаттарыгар эттэ.
Маны сэргэ, Бороҕоҥҥо 450 оҕо үөрэнэригэр оскуола тутулла турар. Оскуоланы 2022 сылга ахсынньыга бүтэрэр былааннаахтар. Тутуу Мүрү 2 №-дээх оскуолатын сиригэр ыытыллар.
Үс мэндиэмэннээх дьиэҕэ үөрэтэр лабораториялар, мастарыскыайдар, спортивнай саалалар, бибилэтиэкэлэр, аактабай саала былааннаналлар.
Андрей Тарасенко бэлиэтээбитинэн, эбии үлэһиттэри уонна тиэхиньикэни биэрии боппуруоһа быһаарыллыахтаах.
0
0