Култуура

Бороҕоҥҥо аһаҕас халлаан анныгар — сцена

Уус Алдан улууһугар Бороҕоҥҥо аһаҕас халлаан анныгар сцена арыллыытын үөрүүлээх быһыыга-майгыга бэлиэтээтилэр. 

Бу «Олохтоох култуура дьиэтэ» бырайыагынан киллэриллибит тэрээһиҥҥэ СӨ Култуура уонна духуобунай сайдыы миниистирин бастакы солбуйааччы Владислав Левочкин сырытта. Кини ылыллыбыт тэрил Саха сирин норуоттарын VIII спортивнай оонньууларын чэрчитинэн ыытыллар культурнай бырагыраама өссө биир былаһааккатын хааччыйыаҕын бэлиэтээтэ. Уулусса сценатын, маны сэргэ, кыайыылаахтары наҕараадалааһын сиэригэр-туомугар туһанар былаан баар. Муниципалитет хос үбүлээһинин суотугар сценаҕа анаан уот-күөс, тыас-уус тэрилэ ылыллыбыт.

«2017 сылтан 142 култуура дьиэтэ саҥа тэрилинэн хааччыллбыт.  Өйөбүлү ылааччыылар эрэгийиэҥҥэ куонкуруһунан быһаарыллаллар. Бастакы уочарат култуурунай-сынньанар тэрээһиҥҥэ кыттааччы, төлөбүрдээх култуурунай-сынньалаҥ тэрилтэтигэр сылдьыы элбэҕэ, дьиэ-уот өрөмүөнэ, култуура саҥа эбийиэктэрэ киириилэрэ, о.д.а. үлэлээх-хамнастаах муниципалитеттар сайаапкалара өйөбүлү ылаллар.
Бэлиэтээн эттэххэ, култуурунай-сыннанар тэрээһиннэргэ, төлөбүрдээх култуурунай-сынньалаҥ тэрилтэлэригэр сылдьааччы, кыттааччы элбээһинэ, дойдуга тохсунньу 1 күнүгэр 2019 сыллаахха олоххо киллэриллибит «Култуура» национальнай бырайыак  биир сүрүн көрдөрүүтүнэн буолар.
0
0