Уус Алдан улууһун Бороҕон сэлиэнньэтигэр күүстээх тыал түһэн, 18 киһи, ол иһигэр сокуоннай сааһын туола илик 3 оҕо мэдиссиинискэй көмөҕө наадыйда.
edersaas.ru
СӨ Доруобуйа харыстабылын министиэристибэтэ иһитиннэрбитинэн, билигин Успуорт оонньуулара ыытыллыахтаах стадиоҥҥа уонна Оройуоннааҕы киин балыыһаҕа эмтиир тэрилтэ бары үлэһиттэрэ, ол иһигэр оонньууларга үлэлии барбыт Саахал мэдиссиинэтин өрөспүүбүлүкэтээҕи киинин исписэлиистэрэ үлэлииллэр.
Балыыһаҕа 2 хирург, 2 анестезиолог уонна биир травматолог-быраас, оттон стадиоҥҥа 2 биэлсэр, 1 хирург, 1 травматолог, 1 реаниматолог мэдиссиинискэй көмөнү оҥороллор. Стадиоҥҥа 4 “суһал көмө” массыынатын биригээдэлэрэ дьуһуурустубаларын салҕыыллар. Эмсэҕэлээбит дьоҥҥо тустаах көмө оҥоһуллар. Кинилэр туруктара “орто ыараханынан” сыаналанар. Билигин кинилэргэ диагностическай чинчийи иыытыллар. Ыараханнык эчэйбит суох.
Надежда ЕГОРОВА, «Саха сирэ», edersaas.ru