Бүгүн СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников, улуус баһылыга Алексей Федотов бэҕэһээҥҥи быһылааҥҥа эчэйиини ылбыт дьону балыыһаҕа тиийэн доруобуйаларын туруктарын билистилэр.
Бэҕэһээҥҥи күүстээх силлиэ түмүгүнэн Майаҕатта Бэрт Хара аатынан стадиоҥҥа 16 киһи эчэйиини ылбыта бэлиэтэммитэ, быыһыыр сулууспа өҥөтө кэмигэр оҥоһуллан, эчэйиини ылбыт дьон кииннэммит балыыһаҕа анал эмтэниини ааһаллар.
Улуустааҕы кииннэммит балыыһа кылаабынай бырааһа Анна Петрова эчэйиини ылбыт дьон уопсай туруктарын билиһиннэрдэ. Улахан эчэйиини ылбыт, волонтердуу кэлбит ХИФУ 3 устудьуона силлиэ кэмигэр тугу гына сылдьыбыттарын салайааччыларга сиһилии кэпсээтилэр. Оҕолор экран тыалга сууллубатын диэн тута сылдьан эмсэҕэлээбиттэр.
Дмитрий Дмитриевич, Алексей Васильевич оҕолор туруктарын көрөн, санааларын истэн баран дьоҥҥо көмөлөһөр күүстээх, хорсун санааларыгар махтаннылар, итиэннэ маннык дьон эчэйиилээх айылҕа содула хатыламматыгар баҕардылар диэн улуус дьаһалтатын пресс-сулууспата иһитиннэрдэ.