Уус Алдан улууһун Бороҕонугар улахан алдьатыылаах тыал түһэн, бэҕэһээ хас да чааһы быһа уот баран, сибээс мөлтүү сылдьыбыта.
Бүгүҥҥү туругунан «Ростелеком» ПАУо магистральнай оптикатын лииньийэтэ этэҥҥэ үлэлии турар. Суотабай оператордар сибээстэрэ чөлүгэр түһэрилиннэ. Манна бэҕэһээ уот баран, «Билайн» өҥөтүнэн туһанааччылар харгыстары көрсө сылдьыбыттара. Билигин үс оператор, ол иһигэр «Мегафон» ПАУо көһө сылдьар базовой станцията штатнай эрэсииминэн үлэлииллэр.
Бэҕэһээ «Саха» НКИХ телеханаала быһа сибээскэ тахсарыгар эмиэ мэһэйдэри көрсө сылдьыбыт эбит буоллаҕына, бүгүн оонньуулартан быһа трансляциялар көстө тураллар.
edersaas.ru
+1
+1
+1
+1
+1
+1
+1