Култуура Маны аах Уопсастыба

Бороҕоҥҥо саҥа култуура киинин сыл бүтүүтэ үлэҕэ киллэрэр былааннаахтар

Бороҕоҥҥо В.В.Никифоров-Күлүмнүүр аатынан култуура киинэ бу сыл бүтүүтэ үлэҕэ киириэ.

СӨ Бырабыыталыстыба бэрэссэдээтэлин солбуйааччы Сергей Местников, СӨ Култуура уонна духуобунай сайдыы миниистирин бастакы солбуйааччы Владислав Левочкин бүгүн, балаҕан ыйын 3 күнүгэр, бырабыыталыстыба оробуочай бөлөҕөр киирэннэр Уус Алдан улууһугар Бороҕоҥҥо В.В.Никифоров-Күлүмнүүр аатынан култуура киинин тутуутун көрдүлэр. Бу туһунан Култуура министиэристибэтин пресс-киинэ иһитиннэрдэ.
«Тутуу 2020 сылтан саҕаламмыта. Бастакыттан 2022 сыл ортотугар үлэҕэ киллэриллиэ диэн былааннаныллыбыта, ол эрээри, тутааччылар кыраапыктарын куоһаран иһэллэр. Билигин ис өттүн оҥоро сылдьаллар. Онон саҥа дьиэни бүтэрэн үлэҕэ киллэрии быйыл сыл бүтүүтүгэр күүтүллэр«, — диэтэ Владислав Левочкин.
Култуура киинин уопсай иэнэ 3 тыһ. кв. м. тахса.  Манна бибилэтиэкэ, оҕо ааҕар саалата, 320 миэстэлээх аактабай саала, уо.д.а. былааннаналлар. Өссө фонтан баар буолуохтаах.
0
0