Сүрүн

Бороҕоҥҥо квартальнай хочуолунай тутуута саҕаланна

Бүгүн, бэс ыйын 17 күнүгэр, Уус Алдан улууһун Бороҕон сэлиэнньэтигэр «Восток- 1» хочуолунай бастакы сыбаайаларын түһэрдилэр.
18 МВт кыамталаах эбийиэк быйыл күһүн үлэҕэ киириэҕэ. Онно социальнай эбийиэктэр уонна олорор дьиэлэр холбонуохтара.  Ааспыт сыл ахсынньытыгар ОДьКХ реформалааһыҥҥа көмөлөһөр Фонда бырабылыанньата Бороҕон сэлиэнньэтигэр аныгы механизированнай хочуолунайы тутууга үп-харчы өттүнэн өйөбүлү биэрэргэ өрөспүүбүлүкэ сайаапкатын бигэргэппитэ. Бырайыак уопсай сыаната 447,83 мөл. солк. сыаналанар. Госкорпорация 268,69 мөл. солк. биэрэр, онтон атына «СӨ ОДьКХ» ГУП биэрэр. Бороҕон сэлиэнньэтин олохтоохторун бу бэлиэ түгэнинэн Ил Дархан Айсен Николаев эҕэрдэлээтэ. Өрөспүүбүлүкэ баһылыга бырайыагы олоххо киллэрии  нефть уматыгын ороскуотун намтатарга көмөлөһөрүн бэлиэтээтэ. «Тутуу болдьоҕо бүтүө диэн эрэнэбин уонна балаҕан ыйыттан хочуолунай үлэҕэ киириэҕэ,  социальнай эбийиэктэри итиитинэн хааччыйыаҕа», — диэтэ Айсен Николаев.
edersaas.ru
0
0