Уус Алдан улууһугар Бороҕоҥҥо саҥа култуура киинин 2022 сылга үлэҕэ киллэриэхтэрэ.
Ил Дархан Айсен Николаев бэҕэһээ, бэс ыйын 17 күнүгэр, үлэтинэн Уус Алдан улууһугар тиийэ сылдьан, тутулла турар В.В.Никифоров-Күлүмнүүр аатынан култуура киинигэр сырытта. Эбийиэк «АЛРОСА» АХ (ПАУо) СӨ Үүнэр көлүөнэ тус сыаллаах пуондатын нөҥүө биэрэр үбүн суотугар тутуллар.
Үс мэндиэмэннээх аныгылыы тупсаҕай култуура киинин уопсай иэнэ 3 880 кв. м. Манна дьон киирэн олороругар 320 миэстэлээх саалалаах, бэлэмнэнэр, көмпүүтэрдиир, оҕолор, улахан дьон уонна электроннайынан киирэн ааҕар саалалардаах, буфеттаах буолар.
Билиҥҥи туругунан үһүс мэндиэмэн бетонунан кутуллубут, бастакыга истиэнэтэ сыбаммыт уонна истиэнэ ис өттүгэр сылытыытын оҥороллор. Иккискэ муостата тардыллан, истиэнэтэ сыбанан бүппүт.
Бороҕоҥҥо култуура киинин тутуу үлэтэ кыраапыгынан баран иһэр.
Эбийиэги 2022 сылга, СӨ норуоттарын VIII спортивнай оонньууларын уонна САССР 100 сылын көрсө бүтэрэр былааннаахтар.
Мария Васильева (СИА) хаартыскаларга түһэриитэ
+1
+1
+1
+1
+1
+1
+1