Бүгүн күнүс Уус Алдан Бороҕонугар эмискэ дохсун ардахтаах күүстээх тыал түһэн, ыытыллаары турар Саха сирин норуоттарын спортивнай оонньууларын аһыллыытын тэрээһинигэр элбэх мэһэйи үөскэттэ.
Уус Алдан улууһун баһылыга Алексей Федотов тустаах брифиҥҥэ дохсун тыал таһаарбыт хоромньута ааҕылла турарын, волонтердар уонна олохтоохтор субуотунньукка таҕыстылар диэн кэпсээтэ. Субуотунньукка Үөһээ Бүлүүттэн күрэхтэһэ кэлбит спортсменнар кыттыһыаҕыҥ диэн ыҥырыы таһаардылар.
Күүстээх тыал үгүс баннердары көтүттэ, уот остуолбаларын суулларда. Суотабай оператордар үлэлэригэр ыарахаттар бааллара биллэр. Бу күн волейболга уонна баскетболга күрэхтэһиилэр бара турбуттара, сорохторо саалаҕа уот баран тохтотуллубут. Күүстээх тыал экраны уонна декорациялары сууллартаабытын түмүгэр, 18 киһи орто эчэйиини (үһэ оҕолор) ылан, балыыһаҕа тиэрдилиннилэр.