Бу күннэргэ Саха сирин норуоттарын VIII спортивнай оонньуулара Уус Алдан улууһугар ыытылла турар. Улуус киинигэр суоллары оҥоруу, тутуу үлэтэ күөстүү оргуйар.
Былырыыҥҥыттан Бороҕоҥҥо 2-с нүөмэрдээх 450 миэстэлээх таас оскуоланы тутуу саҕаламмыта. Тутуу «Үөрэҕирии» национальнай бырайыак иитинэн ыытыллар.
Бырайыак быһыытынан оскуола 17 үөрэнэр кылаастаах, 3 лабораториялаах буолуохтаах. Маны таһынан спортивнай саалалаах, 270 миэстэлээх актовай саалалаах.
Саҥатан эттэххэ, Саха сирин норуоттарын спортивнай оонньууларынан сибээстээн, Уус Алдаҥҥа 30 эбийиэги туппуттар. Ол иһигэр саҥа стадиону, Чараҥ сэлиэнньэтигэр 1124 миэстэлээх ипподрому, Мындааба сэлиэнньэтигэр 32 миэстэлээх уопсай дьиэлээх спортивнай комплексы уонна да атын эбийиэктэри.
edersaas.ru
+1
+1
+1
+1
+1
+1
+1