Борис Машковцев: «Ыччат сонун идиэйэлэрин сөхтүм»

Ааптар: 
Бөлөххө киир:

«Союзмультфильм» устуудьуйа дириэктэрэ Борис Машковцев MUUS uSTAR бэстибээлгэ ыалдьыттаата. Кини «Мультипликация уонна анимация» диэн хайысхаҕа ыҥырыылаах эспиэр быһыытынан үлэлээтэ.

«Куорат устун айаннаан, кыратык да буоллар Дьокуускай салгынынан тыынным. Элбэҕи көрөр сыаллаах буоллахха, манна өр буола кэлиэххэ наада. Бэстибээл туһунан этэр буоллахха, кыттааччылар сонун идиэйэлэрдээхтэрэ сөхтөрдө. Ыччат үксүн эпоска олоҕурбут үлэлэри көрдөрдө. Маны мин федеральнай таһымҥа тахсарга туох барыта баар диэн сыаналаатым.

Эрэгийиэн таһымнаах бэстибээл диэтэххэ, олус сэргэхтик, сонуннук, астыктык ааһан эрэр. Саха сиригэр «Союзмультфильм» филиалын арыллыытын туһунан боппуруостар бааллар, кэпсэтии бара турар. Бу түргэнник быһаарыллар дьыала буолбатах. Интэриэс баар, онон санаабыппыт табыллыа диэн эрэнэбин» — диэн Машковцев санаатын эттэ.

Оттон Сочитааҕы Олимпиада кыайыылааҕа Аделина Сотникова бүгүн эдэр хаҥкыһыттарга маастар-кылаас ыыппыта. Ол туһунан кини санаатын маннык эттэ: «Оҕолору көрдүм-иһиттим, таһымнарын үрдүктүк сыаналаатым. Оҕолор олус баҕалаахтар эбит. Тугу этэрбин, кэпсиирбин бары олус болҕойон иһиттилэр, хас биирдии хамсаныыбын куттаммакка үтүктэн истилэр».

СИА.

+1
0
+1
0
+1
0
+1
0
+1
0
+1
0
+1
0