Сунтаар улууһун Бордоҥун «Айыллаан» КК дьиэтэ 1967 сыллаахха үлэҕэ киирбитэ. Кырдьаҕас кулууп билигин өрөмүөн көмөтүнэн, хаһаайыттарын көрүүлэринэн чэбэрдик турар.
edersaas.ru, Мария Кобельянова
Саҥа кулууп тутуутугар 2012 сылтан үлэ барар, ол курдук быйыл Сунтаар улууһун дьаһалтатын көмөтүнэн, үп көрүллэн бырайыага түмүктэнэн сыбаайатын түһэрии үлэтэ барар. Саҥа тутуу бастакы көмүс сыбаайатын түһэриитин сиэрэ-туома тэрилиннэ. Иван Федорович Васильев алгыһынан арыалланан, «Айыллаан» КК үлэһиттэрин тэрийиилэринэн бэртээхэй күн олохтонно. Олохтоохтор үөрүүлэрэ муҥура суох. Сыбаайа түһэриитин үлэтин «Основа» ХЭТ тэрилтэ ыытыаҕа, салайааччыта Бордоҥнор бэйэлэрин күтүөттэрэ Юрий Попов. Маны таһынан нэһилиэккэ соторунан баҕана уларытыыта, сипкабель тардыыта тэриллиэҕэ.
Мария Кобельянова — Тускулаана, Сунтаар
+1
+1
+1
+1
+1
+1
+1