Ытыктабыллаах учууталлар, үөрэх эйгэтин үлэһиттэрэ, педагогическэй үлэ бэтэрээннэрэ!
Эһигини барыгытын идэлээх бырааһынньыккытынан – УЧУУТАЛ күнүнэн итиитик-истиҥник эҕэрдэлиибин. Бу Эһиги теоретическай уонна методическай өттүнэн сайдан, саҥа технологияларынан сэбилэнэн, иитэр-үөрэтэр ыччаккыт билиҥҥи кэм сайдыылаах олоҕор толору бэлэмнээх тахсарыгар ахсаабат кыһамньыгытын, билиигитин-көрүүгүтүн ууран үлэлииргит өссө да түмүктэрдээх буолуо диэн эрэнэбин. Үөрэтэр уонна эбии үөрэхтээһин хайысхаларын бииргэ дьүөрэлии тутан, үөрэнээччилэр, учууталлар, иитээччилэр, төрөппүттэр, уопсастыбаннас айар үлэлэрин-хамнастарын сайыннарыыга үлэлэһэр, оҕону үөрэтиигэ-иитиигэ өрүү сонун суолу-ииһи көрдүүр, хас биирдии оҕо бэйэтин ис кыаҕын арыйарыгар олук уурар үтүө үгэстэрбитигэр тирэҕирэ туруохпут.
Убаастабыллаах биир идэлээхтэрим! Эдэр көлүөнэ сайдарын-үүнэрин, чөл, доруобай олохтоох буоларын туһугар үлэлээҥ-хамсааҥ, үөрэниҥ, үөрэтэр ыччаккытыгар суолдьут сулус буолуҥ. Кинилэр махталлара, тапталлара Эһигини өрүү үрдүккэ, сырдыкка кынаттаатын!
Василий Софронович ДОЛГУНОВ Саха Өрөспүүбүлүкэтин Норуодунай Учууталын аатын ылбытынан эҕэрдэлиибин.
Үөһээ Бүлүү үөрэҕин салалтатын начальнига
Спиридон Олегович Борбуев