«Боотур» Украинаҕа анал байыаннай дьайыыга барда

Ааптар: 
Бөлөххө киир:

Саха сириттэн «Боотур» этэрээт Украинаҕа анал байыаннай дьайыыга барда.

Бүгүн «Боотур» баҕа өттүлэринэн таҥыллыбыт этэрээт Украинаҕа анал байыаннай эпэрээссийэҕэ барда. «Боотурга» киирбиттэр, бары аармыйаҕа сулууспалаабыт дьон, байыаннай араас идэлээхтэр. Өрөспүүбүлүкэҕэ мэдиссиинэ үлэһиттэриттэн быраастар бастаан анал байыаннай дьайыыга этэрээт састаабыгар киирэн бардылар.
Этэрээт байыастарын Ил Дархан Айсен Николаев, кэллиэгэлэрэ, төрөппүттэрэ, чугас дьоно атаардылар.
«Судургута суох кэмҥэ бандеровскай эрэсиимтэн Украинаҕа бырааттыы норуоту көмүскүү бардыгыт. Саха сирин олохтоохторо хаһан баҕарар уустук кэмҥэ Аҕа дойдуну көмүскүүллэрэ уонна кинилэр тустарынан өйбүтүгэр-сүрэхпитигэр иҥэрэн сылдьабыт. Бу ытык өйдөбүлү хаһан да умнуохпут суоҕа. Элбэх омуктаах норуот  интэриэһин көмүскүүр судургута суох кэмҥэ, Бэрэсидьиэммит Владимир Владимирович Путины өйүүр хорсун уонна эр санаалаах быһаарыныыгытынан киэн туттабын, махтанабын.
Бүгүн Украинаҕа аан дойду дьылҕата быһаарыллар. Арассыыйа уонна Саха сирин дьонун-сэргэтин хорсунун, хоодуотун эһиги көрдөрөҕүт. Кыайыылаах эргиллэргитин күүтэбит», — диэтэ Айсен Николаев.
«Эһигини атаарарбар биири бэлиэтиэхпин баҕарабын, эһиги бэйэҕит хорсун быһаарыныыны ылынныгыт. Бу дьиҥ эр дьон быһыыта. Дьиэҕитигэр, дьоҥҥутугар-сэргэҕитигэр, төрөөбүт дойдугутугар бука бары этэҥҥэ, тыыннаах, доруобай эргиллэргитигэр баҕарабын», — диэтэ доброволецтары «Эр санааланыы» уордьан кавалера Иван Черкашин.
Көрсүһүүгэ Ил Дархан «Саха АССР 100 сыла» бэлиэни Украинаттан кэлбит «Барс-4» доброволецтар бастакы этэрээттэрин хорсун-хоодуот байыастарыгар туттарда.
Хаартыскаларга Мария Васильева (СИА) түһэриитэ
+1
0
+1
0
+1
0
+1
0
+1
0
+1
0
+1
0