Бэйэни хааччахтаныы кэмигэр 65 саастарын ааспыт, үлэлии сылдьар биэнсийэлээхтэр ыалдьыбатах да буоллахтарына, “больничнай” ылар бырааптаахтар. Бу аҕам саастаах дьон дьиэҕэ олороллорун, кинилэр доруобуйаларын харыстыыр туһуттан ылыныллыбыт миэрэ билигин тутуһуллар дуо?
Бэс ыйын 20 күнүгэр РФ бырабыыталыстыбатын 876 №-дээх уурааҕа тахсыбыта. Онно этиллэринэн, 65 саастарын ааспыт үлэлиир биэнсийэлээхтэр бэс ыйын 15 күнүттэн эрэгийиэҥҥэ олохтоммут бэйэни хааччахтаныы эрэсиимэ бүтүөр диэри “больничнай” ылар кыахтаахтар.
Саха сиригэр коронавируснай инфекция тарҕанарын хааччахтыыр миэрэлэр от ыйын 1 күнүгэр диэри уһатыллан тураллар. Бу кэнниттэн, баҕар, өссө уһуоҕа. Онон, 65-рин туолбут үлэлиир биэнсийэлээхтэр электроннай “больничнайы” оҥорторор бырааптаахтар. “Больничнай” Социальнай страховкалааһын пуондатын үбүттэн төлөнөр.
Үлэни биэрээччи 65 саастарын ааспыт үлэһиттэрин испииһэктэрин Социальнай страховкалааһын пуондатын эрэгийиэннээҕи салаатыгар биэриэхтээх. Үлэһит бэйэтэ докумуон хомуйсара, сайабылыанньа суруйара ирдэммэт. Пуонда төлөпүөннэрэ: 8 (4112) 315 – 919, 8(914) 275-70-44.
Ангелина Васильева, «Саха сирэ» хаһыат, edersaas.ru
+1
+1
+1
+1
+1
+1
+1