Бэҕэһээ 1397 киһи өрөспүүбүлүкэ үрдүнэн ыалдьыбыт. Итинтэн 56 киһи балыыһаҕа киирбит.
“Быһыы бастакы компоненын улахан дьон 81,7 %-а ылла. Күргүөм иммунитет өрөспүүбүлэҕэ 70-ҥа тэҥнэһэр. Ревакцинацияны өрөспүүбүлүкэҕэ, уопсайа 136 272 киһи ааста. Бу хаттаан быһыыны ылар болдьоҕо кэлбит дьонтон 57,1 %-а. Саха сиригэр күргүөм иммунитет үөскээһинэ 70 %-ҥа тэҥнэһэр”, — диэн суһал ыстаап бэрэссэдээтэлин солбуйааччы Ольга Балабкина брифинг кэмигэр иһитиннэрдэ.
Нерюнгри, Мэҥэ Хаҥалас, Алдан, Өймөкөөн, Мииринэй, Горнай, Дьокуускай куорат олохтоохторо быһыыны ылыыларын тэтимэ бытаанын ыйар. Иммунитет бөҕөргүүрүн туһугар быһыыны ылар ирдэнэрин этэр.
Дьокуускай куоракка “Өрөгөй” успуорт комплексыгар тэриллибит амбулаторнай пууҥҥа ыарыһахтар көрдөрүнүүлэрэ биллэ аҕыйаабыт. Онон сибээстээн, поликлиникаларга ыарыһахтары көрүү боппуруоһун быһаарыахтара. Күн бүгүн икки сүрүн боппуруоска болҕомто ууруллар – коронавируһунан ыалдьыбыт дьону чөлүгэр түһэрии уонна мэдиссиинэ, социальнай үлэһиттэри уйулҕа өттүнэн үлэлэрин чэпчэтии, сынньатыы диэн эттилэр.
“Саха сирэ” хаһыат, edersaas.ru
Хаартыска: СИА